«Arsenal» «Real»ning Kalafyori borasidagi qiziqishiga javob berdi — OAV
London klubi italiyalik himoyachini sotish uchun Madrid jamoasidan favqulodda taklif kutmoqda.
«Arsenal» himoyachisi Rikardo Kalafyori hamon «Real»ning transfer maqsadlari ro‘yxatida turibdi.
Insayder Ekrem Konurning ijtimoiy tarmoqlardagi ma’lumotiga ko‘ra, London klubi Madrid vakillariga italiyalik futbolchini xarid qilish uchun favqulodda darajadagi taklif bildirish kerakligini anglatgan.
24 yoshli Kalafyori 2024-yil yozida «Arsenal» safiga qo‘shilgan. Italiyalik futbolchi London klubi bilan besh yillik shartnoma imzolagan.
Ma’lumot uchun, Transfermarkt portali Kalafyori transfer qiymatini 65 million yevroga baholamoqda.
Eslatib o‘tamiz, «Arsenal» futbolchining shartnomasi bo‘yicha huquqlarga ega va uni sotish borasida hozircha rasmiy qaror e’lon qilmagan.
