«Катта дубулға» туркумига кирувчи турнирларнинг етти карра ғолиби, америкалик теннисчи Жон Макенройнинг фикрича, «Катта дубулға»нинг 22 карра чемпиони, дунёнинг собиқ биринчи ракеткаси, испаниялик Рафаэл Надал испан теннисини тубдан ўзгартириб юборган.
«Испания тенниси... Рафаэл Надал ҳамма нарсани ўзгартириб юборди: у кутилмаганда пайдо бўлди ва испан теннисини ўзгартириб юборди. Мен унга қараб: «Бу қандай бўлиши мумкин?» деб ўйлардим. Қўшма Штатларда биз узоқ вақтдан бери «Катта дубулға» турнирида ғолиб чиқмаган эдик, Надал эса бир ўзи 22 марта бу ишни амалга ошира олди», - деди Макинрой La Revuelta радио шоусига берган интервюсида.
Эслатиб ўтамиз, аввалроқ Надал жамоаси Малёркадаги теннисчилар академиясининг 10 йиллик юбилейи шарафига ўтказилган кўргазмали турнирда ғолиб чиққан эди. Испаниялик жамоаси таркибига Карлос Мойя, Ришар Гаске ва Давид Феррер кирган бўлса, рақиб британиялик Энди Маррей жамоасида Марат Сафин, Фабио Фонини ва Доминик Тим ҳаракат қилди.
