«Galatasaroy» va Rafael Leau uchun noxush xabar. Portugaliyalik vinger Chempionlar ligasi doirasida 21-oktyabr kuni «Lill»ga qarshi o‘tkaziladigan bahsda maydonga tusha olmaydi. Bu haqda derbyderbyderby.it nashri xabar berdi.
Leau Turkiya chempionati doirasida «Genchlerbirligi»ga qarshi kechgan so‘nggi bahsda adduktor mushagidan jarohat olgan. Ushbu shikastlanish futbolchining yangi jamoasidagi moslashuv jarayoniga ham salbiy ta’sir ko‘rsatdi.
Ma’lumot uchun, Leau o‘tgan yozda Turkiya chempionatiga ko‘chib o‘tgandi. Ungacha u yetti yil davomida Italiyaning «Milan» klubida to‘p surgan. Portugaliyalik futbolchi so‘nggi mavsumlardagi o‘yini uchun keskin tanqidlarga uchraganidan keyin jamoani tark etgan.
Eslatib o‘tamiz, «Galatasaroy» va «Lill» o‘rtasidagi Chempionlar ligasi bahsi 21-oktyabr kuni «Per-Morua» stadionida bo‘lib o‘tishi belgilangan.
