«Barselona» bosh murabbiyi Hans-Diter Flik jamoasining «PSJ» va Madridning «Real» klubiga qarshi so‘nggi mag‘lubiyatlari haqida fikr bildirdi.
«Biz boshqacha natijalarga erishishimiz mumkin edi. Shunga qaramay, jamoamiz «PSJ» va «Real» bilan bir xil saviyada o‘ynamoqda, deb hisoblayman. Ammo ortga qarashning hojati yo‘q. Hozir «Aston Villa» bilan bahs haqida o‘ylayapmiz, undan keyin esa «Atletiko»ga qarshi o‘ynaymiz.
Maqsadimiz — Ispaniya chempionati va Chempionlar ligasida g‘alaba qozonish. Ketma-ket ikki mag‘lubiyatdan keyin ham hech narsa o‘zgargani yo‘q», — deya Flikning so‘zlarini keltiradi AS.
Ma’lumot uchun, «Barselona» Chempionlar ligasi umumiy bosqichining 4-turida o‘z maydonida «Aston Villa»ni qabul qiladi.
Eslatib o‘tamiz, «Barselona» — «Aston Villa» bahsi 3 noyabr kuni Toshkent vaqti bilan soat 01:00 da boshlanadi.
