Xorvatiya milliy jamoasi bosh murabbiyi Zlatko Dalich JCH-2026 1/8 finali oldidan Portugaliya milliy jamoasining o‘yini haqida o‘z fikrlarini bildirdi.
«Bu dunyoning eng kuchli milliy jamoalaridan biri. Ularning ajoyib bosh murabbiyi bor va u fantastik ishlarni amalga oshirmoqda. Buni avval Belgiyada, endi esa Portugaliyada ham isbotladi.
Ularning safida istalgan daqiqada gol ura oladigan Krishtianu Ronaldu bor. Portugaliyaning eng kuchli jihati — texnik mahorati va to‘p nazorati. Ular bu borada juda kuchli, ko‘plab xavfli vaziyatlar yaratadi va doimo o‘yinni nazorat qilishga intiladi», — dedi Dalich.
Eslatib o‘tamiz, Portugaliya va Xorvatiya milliy jamoalari JCH-2026 1/8 finalida o‘zaro bahs olib boradi.
Ma'lumot uchun, ushbu uchrashuv 3 iyul kuni bo‘lib o‘tadi. G‘olib jamoa mundial chorakfinaliga yo‘l oladi.
