Portugaliya milliy jamoasi hujumchisi Krishtianu Ronaldu Kolumbiyaga qarshi bahs (0:0)da jahon chempionatlari doirasidagi 25-uchrashuvini o‘tkazdi va bu ko‘rsatkich bo‘yicha Lothar Matteusga yetib oldi. Bu haqda OptaJose statistik portali xabar berdi.
Endi Ronaldu Matteus bilan birga turnir tarixida o‘tkazilgan o‘yinlar soni bo‘yicha 2-o‘rinni bo‘lishib turibdi. Bu borada faqat Argentina milliy jamoasi futbolchisi Lionel Messi ulardan oldinda bormoqda. Uning hisobida 28 ta uchrashuv mavjud.
Ma'lumot o‘rnida, ushbu jahon chempionatida Ronaldu hozirga qadar 3 ta o‘yinda ishtirok etib, ikki marta raqiblar darvozasini ishg‘ol qildi.
