Португалия миллий жамоаси ҳужумчиси Криштиану Роналду Колумбияга қарши баҳс (0:0)да жаҳон чемпионатлари доирасидаги 25-учрашувини ўтказди ва бу кўрсаткич бўйича Лотар Маттеусга етиб олди. Бу ҳақда OptaJose статистик портали хабар берди.
Энди Роналду Маттеус билан бирга турнир тарихида ўтказилган ўйинлар сони бўйича 2-ўринни бўлишиб турибди. Бу борада фақат Аргентина миллий жамоаси футболчиси Лионел Месси улардан олдинда бормоқда. Унинг ҳисобида 28 та учрашув мавжуд.
Маълумот ўрнида, ушбу жаҳон чемпионатида Роналду ҳозирга қадар 3 та ўйинда иштирок этиб, икки марта рақиблар дарвозасини ишғол қилди.
