Белгия миллий жамоаси ҳужумчиси Ромелу Лукаку жаҳон чемпионатларидаги миллий рекордни янгилади.
33 ёшли форвард турнирнинг 3-турида Янги Зеландия дарвозасини ишғол қилди.
Шу тариқа, унинг мундиалдаги голлари сони 6 тага етди. Бу борада у энг яхши кўрсаткичга эга ҳисобланади.
Аввалги рекорд Марк Вилмотсга тегишли эди. У ЖЧ-1998 ва ЖЧ-2002 турнирларида жами 5 та гол урган эди.
Эслатиб ўтамиз, Белгия миллий жамоаси ўз гуруҳида пешқадам бўлиб, плей-оффга йўлланма олди.