Shotlandiya milliy jamoasi jahon chempionati pley-off bosqichiga chiqish imkoniyatini yo'qotdi.
Bu Xorvatiyaning 3-turda Ganani 2:1 hisobida mag'lub etganidan keyin ma'lum bo'ldi. Xorvatiyaliklar 6 ochko bilan L guruhida 2-o'ringa ko'tarildi, Gana esa 4 ochko bilan 3-pog'onadan joy oldi.
Shotlandiya Braziliya, Marokash va Gaiti bor bo'lgan C guruhida 3-o'rinni egalladi. Jamoa 3 ochko to'pladi, to'plar nisbati esa –3 bo'ldi. Bu natija shotlandiyaliklarga guruhlarda 3-o'rinni egallagan eng yaxshi 8 ta jamoa qatoriga kirish imkonini bermadi.
Xorvatiya – Gana uchrashuvi yakunlanganidan so'ng Stiv Klark bosh murabbiylik lavozimini tark etganini ma'lum qildi. U Shotlandiya milliy jamoasini 2019 yildan beri boshqarib kelayotgandi.
