Португалия миллий жамоасининг собиқ яримҳимоячиси Нани ЖЧ-2026да Криштиану Роналдунинг ўйини ҳақида ўз фикрларини билдирди.
«Ҳамма Криштиану билан яхши ҳамкорлик қилишга ҳаракат қилиши керак. У турнир охиригача гол уришда давом этади. Менга ишонинг.
Кўпчилик унинг майдонда бўлишини хоҳлайди, айримлар эса жамоа унинг сабаб энергия ва юқори прессинг имкониятларини йўқотмоқда, деб ҳисоблайди.
Аммо биз унинг ўйин тақдирини ҳал қила олишини унутмаслигимиз керак. Криштиану ҳимоячилар эътиборини ўзига тортади.
Албатта, у мураббий яратган тизимга мослашиши ва жамоадошлари унинг ҳаракатларини тўғри тушуниши керак.
Масалан, мен югуриб икки ҳимоячини ортимдан эргаштирсам-у, бўш ҳудудга ҳеч ким югурмаса, бунинг фойдаси бўлмайди», — деди Нани.
Эслатиб ўтамиз, Криштиану Роналду ЖЧ-2026да ҳозиргача 3 та учрашувда майдонга тушиб, 2 та гол урган. Ҳар икки голни у Ўзбекистон миллий жамоаси дарвозасига киритган.
Маълумот учун, Португалия миллий жамоаси ЖЧ-2026 плей-офф босқичидаги иштирокини давом эттирмоқда.
