Таниқли россиялик спорт шарҳловчиси Дмитрий Губерниев Ўзбекистон миллий жамоасининг ЖЧ-2026даги дебют учрашуви ҳақида фикр билдирди.
Фабио Каннаваро шогирдлари гуруҳ босқичининг 1-турида Колумбияга 1:3 ҳисобида мағлуб бўлганига қарамай, Губерниев жамоамизнинг келажагига оптимистик баҳо берди.
«Ўзбекистон ҳали футбол бўйича жаҳон чемпионатида ўз сўзини айтади! Порла, Тошкент — футбол Шарқининг юлдузи!» — деб ёзди шарҳловчи ижтимоий тармоқлардаги саҳифасида.
Эслатиб ўтамиз, Ўзбекистон миллий жамоасининг мундиаллар тарихидаги илк голига Аббосбек Файзуллаев муаллифлик қилди. Яримҳимоячи Колумбияга қарши баҳснинг 60-дақиқасида ҳисобни тенглаштирган эди.
Миллий жамоа ЖЧ-2026 гуруҳ босқичидаги навбатдаги учрашувини 23 июн куни Португалияга қарши ўтказади.
Мазкур баҳс Ўзбекистоннинг плей-офф йўлланмаси учун курашида муҳим аҳамият касб этади.
