Taniqli rossiyalik sport sharhlovchisi Dmitriy Guberniyev O‘zbekiston terma jamoasining JCH-2026dagi debyut uchrashuvi haqida fikr bildirdi.
Fabio Kannavaro shogirdlari guruh bosqichining 1-turida Kolumbiyaga 1:3 hisobida mag‘lub bo‘lganiga qaramay, Guberniyev jamoamizning kelajagiga optimistik baho berdi.
«O‘zbekiston hali futbol bo‘yicha jahon chempionatida o‘z so‘zini aytadi! Porla, Toshkent — futbol Sharqining yulduzi!» — deb yozdi sharhlovchi ijtimoiy tarmoqlardagi sahifasida.
Eslatib o‘tamiz, O‘zbekiston milliy jamoasining mundiallar tarixidagi ilk goliga Abbosbek Fayzullayev mualliflik qildi. Yarimhimoyachi Kolumbiyaga qarshi bahsning 60-daqiqasida hisobni tenglashtirgan edi.
Milliy jamoa JCH-2026 guruh bosqichidagi navbatdagi uchrashuvini 23 iyun kuni Portugaliya terma jamoasiga qarshi o‘tkazadi.
Mazkur bahs O‘zbekistonning pley-off yo‘llanmasi uchun kurashida muhim ahamiyat kasb etadi.
