Portugaliya terma jamoasi hujumchisi Krishtianu Ronaldu JCH-2026 guruh bosqichining 1-turida Kongo DRga qarshi bahsda maydonga tushib, navbatdagi rekord natijani qayd etdi.
Opta ma’lumotiga ko‘ra, ushbu uchrashuv 41 yoshli futbolchi uchun jahon chempionatlari doirasidagi 23-o‘yin bo‘ldi.
Shu tariqa, Ronaldu Italiya futboli afsonasi Paolo Maldinining mundiallarda o‘tkazgan o‘yinlari soniga tenglashdi.
Mazkur reytingda portugaliyalik yulduzdan faqat uch futbolchi yuqorida joylashgan:
Lionel Messi (Argentina) — 27 o‘yin;
LotarMatteus (Germaniya) — 25 o‘yin;
Miroslav Kloze (Germaniya) — 24 o‘yin.
Ronaldu uchun bu jahon chempionatidagi oltinchi ishtirok hisoblanadi. U mundial tarixida olti turnirda maydonga tushgan ilk futbolchilardan biri sifatida tarixga kirgan.
Eslatib o‘tamiz, Portugaliya JCH-2026dagi ilk uchrashuvida Kongo DR bilan 1:1 hisobida durang o‘ynadi.
Roberto Martines shogirdlari navbatdagi bahsni 23 iyun kuni O‘zbekiston milliy jamoasiga qarshi o‘tkazadi.
