Португалия миллий жамоаси ҳужумчиси Криштиану Роналду ЖЧ-2026 гуруҳ босқичининг 1-турида Конго ДРга қарши баҳсда майдонга тушиб, навбатдаги рекорд натижани қайд этди.
Опта маълумотига кўра, ушбу учрашув 41 ёшли футболчи учун жаҳон чемпионатлари доирасидаги 23-ўйин бўлди.
Шу тариқа, Роналду Италия футболи афсонаси Паоло Малдинининг мундиалларда ўтказган ўйинлари сонига тенглашди.
Мазкур рейтингда португалиялик юлдуздан фақат уч футболчи юқорида жойлашган:
Лионел Месси (Аргентина) — 27 ўйин;
ЛотарМаттеус (Германия) — 25 ўйин;
Мирослав Клозе (Германия) — 24 ўйин.
Роналду учун бу жаҳон чемпионатидаги олтинчи иштирок ҳисобланади. У мундиал тарихида олти турнирда майдонга тушган илк футболчилардан бири сифатида тарихга кирган.
Эслатиб ўтамиз, Португалия ЖЧ-2026даги илк учрашувида Конго ДР билан 1:1 ҳисобида дуранг ўйнади.
Роберто Мартинес шогирдлари навбатдаги баҳсни 23 июн куни Ўзбекистон миллий жамоасига қарши ўтказади.
