Мадриднинг «Реал» клуби франциялик марказий ҳимоячи Ибраима Конатенинг трансферини расман эълон қилди.
Аввал «Ливерпул» сафида тўп тепган футболчи «қироллик клуби»га эркин агент мақомида келиб қўшилди. Томонлар ўртасида 2030 йилнинг июн ойига қадар мўлжалланган шартнома имзоланди.
Конатенинг трансфери Флорентино Переснинг президентлик сайлови олдидан берган ваъдаларидан бири бўлгани таъкидланмоқда. Перес 7 июн куни бўлиб ўтган сайловда яна клуб президенти этиб қайта сайланганди.
Айни пайтда 27 ёшли футболчи Франция миллий жамоаси билан ЖЧ-2026 мусобақасида иштирок этмоқда.
Конате «Ливерпул» сафида Англия Премер-лигаси ва Европа мусобақаларида ишончли ўйинлари билан танилган. Мадрид клуби унинг тажрибаси ва жисмоний имкониятлари ҳимоя чизиғини янада кучайтиришига умид қилмоқда.
Эслатиб ўтамиз, «Реал» ўтган мавсум Ла Лигада иккинчи ўринни эгаллаган эди. Испания чемпиони эса «Барселона» бўлди.
