Уругвайлик ҳимоячи Роналд Араухо «Барселона»дан «Ливерпул»га доимий равишда ўтиши мумкин.
Rousing The Kop нашрининг хабар беришича, футболчининг ижара шартномасида 54,5 миллион евро эвазига сотиб олиш имконияти бўйича банд мавжуд. Таъкидланишича, у мажбурий эмас, бироқ «Ливерпул» мавсум тугашини кутмасдан исталган пайтда ундан фойдаланиши ҳам мумкин.
Агар миш-мишларга ишонадиган бўлсак, инглиз клубидагилар ҳимоячидан жуда мамнун, шунинг учун клуб футболчини муддатидан олдин сотиб олиш масаласини кўриб чиқишга тайёр. Аммо қарорнинг қабул қилиниши кейинроқ муддатга қолдирилиши ҳам эҳтимолдан холи эмас.
Маълумот учун, «Ливерпул» таркибида 27 ёшли ҳимоячи Премер-лигада 3 та ўйинда майдонга тушиб улгурди ва 1 та сариқ карточка олди.
