Уругвайлик ҳимоячи Роналд Араухо «Барселона»дан «Ливерпул»га тўлиқ трансфер қилиниши мумкин. Бу ҳақда Rousing The Kop нашри хабар берди.
Футболчининг ижара шартномасида 54,5 миллион евро эвазига сотиб олиш имконияти кўзда тутилган. Қайд этилишича, ушбу ҳуқуқ мажбурий эмас. Бироқ «Ливерпул» мавсум якунини кутмасдан исталган вақтда ундан фойдаланиши мумкин.
Хабарларга кўра, Араухо «Ливерпул»га жуда маъқул келмоқда. Шу боис клуб футболчини муддатидан олдин сотиб олиш вариантини кўриб чиқишга тайёр. Бироқ қарорни кейинроқ қабул қилиш эҳтимоли ҳам истисно этилмаяпти.
Маълумот ўрнида, 27 ёшли ҳимоячи «Ливерпул» сафида АПЛда учта ўйин ўтказиб, битта сариқ карточка олди. Аввалроқ Араухо АПЛ ва Ла Лигани солиштирганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади