Буюк Британиялик UFC жангчиси Майкл Пейж ташкилот рейтингларидан чиқарилди.
UFC рейтингларини тузувчи журналистларга Пейж Париждаги турнирдан сўнг рейтинглардан чиқарилгани ҳақида хабар юборилган. Шу боис уни шу ҳафта эълон қилинадиган янгиланган рейтингга киритиш имкони бўлмайди.
5 сентябр куни Парижда бўлиб ўтган турнирда Пейж Нурсултон Рўзибоевга қарши жанг қилиб, ҳакамларнинг якдил қарори билан ғалаба қозонганди. Бу жанг Пейжнинг UFC билан шартномаси доирасидаги сўнгги беллашуви бўлди.
39 ёшли Пейжнинг рекордида 26 та ғалаба ва 3 та мағлубият бор. У UFCдаги олтита жангида бешта ғалабага эришган. Пейжнинг барча жанглари ҳакамлар қарори билан якунланган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади