Дортмунднинг «Боруссия» клуби ҳимоячиси Даниэл Свенссон фаолиятини Англия премер-лигасида давом эттириши мумкин.
Германиянинг Fussballdaten нашри хабар беришича, 24 ёшли швециялик хизматларига «Арсенал» ва «Манчестер Юнайтед» клублари қизиқиб қолган. Бундан ташқари футболчи атрофидаги вазиятни Италиянинг «Милан» ва «Ювентус» жамоалари ҳам кузатиб бормоқда.
Бироқ манбанинг хабарларига кўра, «Боруссия» ҳимоячиси трансфери бўйича 35-40 миллион евродан камроқ таклифларни кўриб ҳам чиқмайди.
Маълумот учун ушбу мавсум Свенссон 4 та ўйинда майдонга тушиб, 1 та гол урди ва 1 та голли узатма етказиб берди.
Эслатиб ўтамиз, швециялик ҳимоячининг «Боруссия» билан 2029 йилгача мўлжалланган шартномаси мавжуд.
