Аргентина миллий жамоаси ва «Бока Хуниорс» клубининг собиқ футболчиси Карлос Тевес аргентиналик Лионел Месси ва португалиялик Криштиану Роналду унинг хайрлашув ўйинида бир жамоа сафида майдонга тушиши мумкинлигини маълум қилди.
Учрашув 2026 йил декабр ойига режалаштирилган бўлиб, Буэнос-Айресдаги «Ла Бомбонера» стадионида бўлиб ўтиши кутилмоқда.
«Мен ҳар доим Криштиану ва Леони бир жамоада кўришни орзу қилганман. Улар — барча даврларнинг энг буюк икки футболчиси.
Мен улар билан, айниқса, Криштиану билан боғландим. Унга: «Криштиану, мен Лео ва сени хайрлашув ўйинимда бир жамоа сафида ўйнашингизни хоҳлайман. Бутун дунё бу сеҳрни бир марта кўриб, бир умрга эслаб қолиши учун», — дедим. У келишга ваъда берди.
Леони ҳам кўндириш қийин бўлмади. Иккаласи ҳам розилик билдирди. Буни катта ҳаяжон билан кутяпман. Бу ўйин жуда ҳиссиётли бўлади», — дея Тевеснинг сўзларини келтиради Footmercato.
Тевес Роналду билан «Манчестер Юнайтед»да, Месси билан эса Аргентина миллий жамоасида бирга ўйнаган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади