Argentina milliy jamoasi va “Boka Xuniors” klubining sobiq futbolchisi Karlos Teves argentinalik Lionel Messi va portugaliyalik Krishtianu Ronaldu uning xayrlashuv oʻyinida bir jamoa safida maydonga tushishi mumkinligini maʼlum qildi.
Uchrashuv 2026 yil dekabr oyiga rejalashtirilgan boʻlib, Buenos-Ayresdagi “La Bombonera” stadionida boʻlib oʻtishi kutilmoqda.
“Men har doim Krishtianu va Leoni bir jamoada koʻrishni orzu qilganman. Ular — barcha davrlarning eng buyuk ikki futbolchisi.
Men ular bilan, ayniqsa, Krishtianu bilan bogʻlandim. Unga: «Krishtianu, men Leo va seni xayrlashuv oʻyinimda bir jamoa safida oʻynashingizni xohlayman. Butun dunyo bu sehrni bir marta koʻrib, bir umrga eslab qolishi uchun”, — dedim. U kelishga vaʼda berdi.
Leoni ham koʻndirish qiyin boʻlmadi. Ikkalasi ham rozilik bildirdi. Buni katta hayajon bilan kutyapman. Bu oʻyin juda hissiyotli boʻladi", — deya Tevesning soʻzlarini keltiradi Footmercato.
Teves Ronaldu bilan “Manchester Yunayted”da, Messi bilan esa Argentina milliy jamoasida birga oʻynagan.
Muxlislar bu yangilikni Telegram’da muhokama qilmoqda
Izohlar Telegram’da ochiladi