«Бока Хуниорс» сардори ва Аргентина миллий жамоаси футболчиси Леандро Паредес 2026 йилги жаҳон чемпионатидаги жанжалли финалдан сўнг халқаро фаолиятини якунлаши мумкин. Бу ҳақда Goal хабар берди.
Қайд этиш лозим, Паредес финалда Аргентина Испанияга мағлуб бўлганидан сўнг юзага келган оммавий жанжалда иштирок этгани учун 10 та ўйинга дисквалификация қилинди ва жаримага тортилди.
«Менга миллий жамоада фаолиятимни давом эттириш қийин бўлади. Дисквалификация туфайли, шунингдек, Мессининг қарорини ҳисобга олганда ҳам.
Энди ҳеч нарса аввалгидек бўлмайди. Мен ҳали мураббий билан гаплашмадим, аммо суҳбатлашамиз ва қандай қарор қабул қилишимни кўриб чиқамиз», — деди яримҳимоячи.
Маълумот ўрнида, Паредес Аргентина миллий жамоаси сафида 84 та ўйин ўтказган. У жамоа билан жаҳон чемпионатида ғолиб чиққан ва икки марта Америка кубоги чемпиони бўлган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади