«Монако» клуби ҳимоячиси Тило Керер «Аякс»га ижара асосида келиб қўшилди. Бу ҳақда Нидерландия клуби матбуот хизмати хабар берди.
Қайд этилишича, Амстердам клуби германиялик 29 ёшли футболчининг ижараси учун 2 миллион евро тўлайди. Шунингдек, келишувда футболчини доимий равишда сотиб олиш имконияти кўзда тутилмаган.
Керер фаолияти давомида «Шалке », «ПСЖ», «Вест Ҳэм» ва «Монако» клублари сафида ўйнаган. Монегасклар 2024 йилда футболчининг трансфер ҳуқуқларини тўлиқ сотиб олганди. Тило Германия миллий жамоасида 28 та учрашувда майдонга тушган.
