Мадриднинг «Атлетико» клуби канадалик ҳужумчи Жонатан Дэвидни ўз сафига қўшиб олди. 26 ёшли футболчи янги жамоасидаги илк фикрларини билдирди.
«Италиядаги даврим мен кутганимдек осон кечмади. Энди янги чақириққа тайёрман. Ла Лига менинг ўйин услубим ва ҳужумдаги сифатларимга жуда мос келади, деб ўйлайман. Келажагим нима бўлиши менинг қароримга боғлиқ эмас. Мен қила оладиган энг яхши иш — гол уриш», — дея Дэвиднинг сўзларидан келтиради «Атлетико» клуб расмий сайти.
Маълумот учун, Жонатан 2025 йилда «Ювентус»га келиб қўшилган. Турин клуби сафида 47 та учрашувда майдонга тушиб, 8 та гол урган. Канада миллий жамоаси сафида 42 гол уришга муваффақ бўлган.
