«Аякс» Амрабат билан шартнома имзоланганини маълум қилди

«Аякс» Марокаш миллий жамоаси яримҳимоячиси Софян Амрабат билан шартнома имзолади. Бу ҳақда клуб расмий сайти хабар берди.

30 ёшли футболчи амстердамликлар билан 2028 йил 30 июнга қадар мўлжалланган битимга имзо чекди.

«Биз Софянни таркибимизга қўшиб олганимиздан жуда хурсандмиз. У жисмонан бақувват, техникаси юқори даражада ва халқаро майдонда катта тажрибага эга.

Бундан ташқари, у Нидерландия чемпионатини яхши билади. Шунинг учун, унинг жамоага тез мослашиб кетишини кутяпмиз.

Амрабат тимсолида биз айнан излаётган типдаги футболчини қўлга киритдик», — деди «Аякс» техник директори Жорди Кройфф.

Аввалроқ «Аякс» Марк-Андре тер Стеген трансферини эълон қилганди.