«Аякс»нинг 17 ёшли футболчиси Абдулла Уазан Европанинг топ клублари эътиборига тушган. Бу ҳақда инсайдер Экрем Конур ижтимоий тармоқлардаги саҳифасида хабар берди.
Маълум қилинишича, футболчининг ўйинларини «Ювентус», «Челси» ва «Манчестер Сити» каби клублар кузатиб бормоқда. Бундан ташқари, Мадриднинг «Реал» клуби ҳамон марокашлик футболчига қизиқиш билдирмоқда.
Қайд этиш лозим, Абдулла Уазан 2025 йилнинг ёзидан буён Нидерландиянинг «Аякс» жамоасида тўп тепиб келмоқда. Унинг амстердамликлар билан амалдаги шартномаси 2028 йилнинг июн ойи охирига қадар мўлжалланган.
Маълумот ўрнида, ҳужумкор яримҳимоячи ушбу мавсумда клуб сафида жами 16 та учрашувда майдонга тушиб, 2 та гол ва 3 та ассист муаллифи бўлди. Унинг Transfermarkt порталидаги трансфер нархи 8 миллион еврога баҳоланган.
Аввалроқ «Аякс» Амрабат билан шартнома имзоланганини маълум қилганди.
