«Астон Вилла» ўз таркибига трансфер ҳуқуқлари «Челси»га тегишли бўлган Алехандро Гарначони қўшиб олишдан воз кечиш эҳтимолини кўриб чиқмоқда. Бу ҳақда Football Insider хабар берди.
Маълум қилинишича, 22 ёшли аргентиналик футболчи ёзда «Челси»дан ижара асосида бирмингҳэмликлар сафига қўшилган. Битимда 43 миллион фунт эвазига трансферни амалга ошириш банди мавжуд бўлиб, у футболчининг маълум миқдордаги ўйинларда иштирок этиши шарти билан фаоллашади.
2026/2027 йилги мавсум бошидан буён Гарначо майдонда жами 60 дақиқа ҳаракат қилди ва беш марта захирадан ўйинга қўшилди. Агар футболчининг ўйини яхшиланмаса, «Астон Вилла» мажбурий трансфердан қочиш учун унинг майдондаги вақтини чеклашга тайёр. Клуб футболчи ўз салоҳиятини исботлаши керак деб ҳисобламоқда.
Маълумот ўрнида, Гарначо ўтган мавсумда «Челси» сафида 43 та ўйинда майдонга тушиб, 8 та гол урган. Transfermarkt портали унинг трансфер нархини 22 миллион еврога баҳоламоқда.
