ОФК президенти Шайх Салмон бин Иброҳим ал-Ҳалифа 23 октябр куни Япония пойтахти Токио шаҳрида бўлиб ўтган навбатдан ташқари йиғилишда ташкилот Жанни Инфантинога FIFA президенти лавозимига қайта сайланишида ёрдам беришини маълум қилди.
Унинг айтишича, томонлар ўртасида аввал келишмовчиликлар бўлган, аммо бу масалаларни Инфантинога янги мандат олишда кўмаклашишдан ажратиш лозим. Ал-Ҳалифа сўнгги кунларда Цюрихда ўтказилган учрашувда ўзаро тушунишга эришилганини таъкидлади. Унинг қўшимча қилишича, Осиё футбол оиласи бир мақсад йўлида биргаликда ҳаракат қилишга ва Инфантинони қўллаб-қувватлашга тайёр.
Бунгача Африка футбол конфедерацияси ҳам амалдаги FIFA раҳбарини қўллашини билдирганди. Қайд этиш лозим, президентлик сайлови 2027 йил март ойида Марокашда ўтказилади. Номзодларни рўйхатдан ўтказиш муддати 2026 йил 18 ноябрда тугайди.
Аввалроқ Инфантино FIFA ҳисоботида кўрсатилмаган қўшимча тўловлар олган бўлиши мумкинлиги маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади