«Челси» ва «Арсенал» собиқ яримҳимоячиси, Европа чемпиони Жоржинио допинг назоратидан ўтказилган биринчи синовда мусбат натижа қайд этди. 34 ёшли футболчи яқин кунларда қайта текширувдан ўтади. Бу ҳақда Pilhado хабар берди.
Агар иккинчи таҳлил ҳам мусбат натижани кўрсатса, италиялик футболчи 6 ойдан 2 йилгача футболдан четлатилиши мумкин. Ҳозирча Жоржиниога нисбатан якуний қарор қабул қилинмаган, текширувнинг қайта натижаси кутилмоқда.
Маълумот ўрнида, яримҳимоячи 2025 йил ёзидан буён «Фламенго» сафида ҳаракат қилмоқда. Унинг клуб билан тузилган амалдаги шартномаси 2028 йил ёзигача мўлжалланган. Transfermarkt портали футболчининг трансфер нархини 3,5 миллион евро деб баҳоламоқда.
Қайд этиш лозим, футболчи фаолияти давомида «Челси» ва «Арсенал» каби клубларда тўп тепган. Шунингдек, у Италия миллий жамоаси билан Европа чемпиони бўлган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади