«Бавария» бошқаруви аъзоси Ули Ҳёнесс Мюнхен клуби ҳужумчиси Ҳарри Кейн «Олтин тўп»га лойиқ эканини таъкидлади.
«Ҳарри «Олтин тўп»ни қўлга киритиши керак. Бундай мавсум, иккита соврин, шунча кўп гол ва жаҳон чемпионати яримфиналига чиқишдан кейин у бу мукофотга тўла муносиб», — дея Ҳёнесснинг сўзларини келтиради Welt нашри.
Қайд этиш лозим, 2026 йилги «Олтин тўп» тақдирлаш маросими 26 октябр куни Лондонда бўлиб ўтади. Кейн мукофотнинг асосий даъвогарларидан бири ҳисобланади. Аввалроқ у якуний 30 нафар номзод рўйхатидан жой олгани маълум қилинганди.
Маълумот ўрнида, ўтган йили «Олтин тўп» соҳиби «ПСЖ» ва Франция миллий жамоаси вингери Усмон Дембеле бўлган эди. Ушбу совринга энг кўп марта сазовор бўлган футболчи эса Лионел Месси ҳисобланади. Аргентиналик ҳужумчи фаолияти давомида «Олтин тўп»ни 8 марта қўлга киритган.
