Англия миллий жамоаси яримҳимоячиси Жуд Беллингҳэм «Реал» билан шартномасини узайтириш бўйича ижобий музокаралар олиб борди. Бу ҳақда BBC Sports хабар берди.
Қайд этиш лозим, футболчининг мадридликлар билан амалдаги келишуви 2029 йил 30 июнга қадар амал қилади. Бунгача Испания оммавий ахборот воситалари 23 ёшли англиялик яримҳимоячи билан янги шартнома 2031 йилгача тузилиши мумкинлиги ҳақида хабар берганди. Янги келишув имзоланса, Жуднинг «Реал» билан шартномаси амалдаги муддатидан кейин яна икки йилга узайтирилиши мумкин.
Маълумот ўрнида, Беллингҳэм 2023 йилда Дортмунднинг «Боруссия» клубидан «Реал»га кўчиб ўтган. У бу мавсум барча мусобақаларда 12 та учрашувда майдонга тушиб, 3 та гол урди ва 3 та ассист амалга оширди.
Аввалроқ Беллингҳэм келажакда АПЛда ўйнашни истаётгани маълум қилинганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади