Фигу «Эл Класико» учун тахминини айтди

Якшанбадан душанбага ўтар кечаси бутун футбол олами «Эл Класико» баҳсини кузатади — «Барселона» ўз майдонида «Реал»ни қабул қилади. Фаолияти давомида ҳар икки жамоа сафида ҳам тўп тепган Луиш Фигу бўлажак беллашув учун ўз тахминини билдирди.

«Прогнозим? 2:2 ҳисобидаги дурангни тахмин қиламан. Рафи‌ня, Ламин Ямал, Жуд Беллингҳэм ва Килиан Мбаппе гол уради.

«Барселона» — ҳужумкор жамоа, улар доимо гол уришади. «Реал» эса, шубҳасиз, қарши ҳужумларда ўз имкониятларини қидиради. Мбаппе — бўш ҳудуд пайдо бўлганда ўзини кўрсата оладиган футболчи. Менимча, унда гол уриш учун имкониятлар бўлади, чунки «Барселона» кўпинча ҳимоя чизиғини юқорида ушлайди», — дея Фигунинг сўзларини келтиради Mundo Deportivo нашри.

«Барселона» ва «Реал» ўртасидаги ўйин 25 октябр куни бўлиб ўтади.