Figu «El Klasiko» uchun taxminini aytdi

Yakshanbadan dushanbaga o‘tar kechasi butun futbol olami «El Klasiko» bahsini kuzatadi — «Barselona» o‘z maydonida «Real»ni qabul qiladi. Faoliyati davomida har ikki jamoa safida ham to‘p tepgan Luis Figu bo‘lajak bellashuv uchun o‘z taxminini bildirdi.

«Prognozim? 2:2 hisobidagi durangni taxmin qilaman. Rafinya, Lamin Yamal, Jud Bellingem va Kilian Mbappe gol uradi.

«Barselona» — hujumkor jamoa, ular doimo gol urishadi. «Real» esa, shubhasiz, qarshi hujumlarda o‘z imkoniyatlarini qidiradi. Mbappe — bo‘sh hudud paydo bo‘lganda o‘zini ko‘rsata oladigan futbolchi. Menimcha, unda gol urish uchun imkoniyatlar bo‘ladi, chunki «Barselona» ko‘pincha himoya chizig‘ini yuqorida ushlab turadi», — deya Figuning so‘zlarini keltiradi Mundo Deportivo nashri.

«Barselona» va «Real» o‘rtasidagi o‘yin 25-oktabr kuni bo‘lib o‘tadi.