Сака йил охиригача майдонга қайтмаслиги мумкин

«Арсенал» вингери Букайо Сака Чемпионлар лигасида «Бавария»га (2:2) қарши бўлиб ўтган баҳсда олган жароҳатидан сўнг тиббий текширувдан ўтди.

Now Arsenal хабар беришича, ҳозирча футболчига аниқ ташхис қўйилмаган, аммо вазиятнинг бир нечта эҳтимолликлари мавжуд.

Биринчи вариант — биринчи даражали мушак чўзилиши. Бундай ҳолатда 25 ёшли англиялик тахминан икки ҳафта майдонга туша олмаслиги мумкин.

Иккинчи вариант — иккинчи даражали мушак узилиши. Бу ҳолатда футболчининг тикланиши Рождествогача чўзилиши мумкин.

Учинчи даражали мушак узилиши эҳтимоли эса паст баҳоланмоқда. Чунки Сака майдонни қўлтиқтаёқларсиз, мустақил равишда тарк этган.

Эслатиб ўтамиз, Сака ҳеч қандай тўқнашувсиз жароҳат олди. Бу биринчи бўлимда содир бўлди: футболчи тўпга оёғини чўзиб етмоқчи бўлди ва кейин унга зарба берди. Шундан сўнг у ўйинни давом эттира олмади.