Машҳур бразилиялик футболчи Роналдинио 15 ноябр куни яна майдонга қайтади. Буни унинг ҳозирги клуби бўлган Италиянинг «Равенна» жамоаси расман маълум қилди.
Клуб хабарига кўра, Роналдинио «Бруно Бенелли» стадионида «Форли»га қарши дербида «Равенна» либосида ҳаракат қилади. Чемпионат доирасидаги учрашув соат 17:30 да бошланади.
«Қайтиш ҳақиқатга айланди: Роналдинионинг сеҳри «Бруно Бенелли» стадионига етиб келмоқда. Бразилия афсонаси «Форли»га қарши дербида «Равенна» либосини кийиб, расмий чемпионат ўйинида майдонга тушади. Бу ўйин бутун дунё эътиборини тортмоқда», — дея клуб баёнотидан иқтибос келтиради derbyderbyderby.it нашри.
Эслатиб ўтамиз, Роналдинио фаолияти давомида «Барселона», «Милан» ва «ПСЖ» каби бир қатор Европанинг етакчи клубларида тўп тепган. Унинг «Равенна» сафидаги ўйинини мухлислар катта қизиқиш билан кутмоқда.
Мухлислар бу янгиликни Telegram’да муҳокама қилмоқда
Изоҳлар Telegram’да очилади