«Милан» футболчиси Лука Модрич фаолиятини якунлаганидан сўнг «Реал»га қайтиш нияти борлигини айтди.
«Реал» — менинг уйим ва мен қайтишни хоҳлайман. Ҳар доим мадридлик бўлиб қоламан. «Реал» — дунёдаги энг буюк клуб.
Мадрид менга ҳамма нарсани берди. Мен қайтиб, клубга фойдам тегишини ва ёрдам беришни хоҳлайман. Мен «Реал»да ишлашни эмас, «Реал» учун ишлашни хоҳлайман. Худди Моуринио айтганидек», — дея яримҳимоячининг сўзларини келтиради Marca нашри.
Маълумот ўрнида, хорватиялик яримҳимоячининг «россонери» билан амалдаги шартномаси 2027 йил ёзигача мўлжалланган. 9 сентябр куни Модрич 41 ёшга тўлади.
Қайд этиш лозим, Лука 2012 йилдан 2025 йилгача «Реал» шарафини ҳимоя қилган. Аввалроқ у А Серияда чемпионлик учун курашмоқчи эканини айтиб ўтганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади