Ўзбекистонлик теннисчи Камилла Раҳимова (жаҳон рейтингида 92-ўрин) АҚШ очиқ чемпионатида навбатдаги ғалабасини қўлга киритди. Бу ҳақда МОҚ матбуот хизмати хабар берди.
«Иккинчи даврада испаниялик Оксана Селехметовага (93-ўрин) қарши кортга чиққан юртдошимиз дастлабки сетни 6:3 ҳисобида ўз фойдасига ҳал қилди. Раҳимованинг тотал устунлиги иккинчи сетда ҳам давом этди ва у 6:0 ҳисобидаги ғалаба билан катта қийинчиликсиз кейинги даврага йўл олди.
Учинчи даврада теннисчимизга кетма-кет икки йилдан бери ушбу турнирда чемпион бўлиб келаётган жаҳон рейтинги етакчиси, беларуслик Арина Соболенко рақиблик қилади», — дейилади хабарда.
Аввалроқ Раҳимова Барбора Крейчиковадан устун келгани маълум қилинганди.
