Ўзбекистонлик теннисчи US Open'да Барбора Крейчиковани мағлуб этди

Ўзбекистонлик теннисчи Камилла Раҳимова АҚШ Очиқ чемпионати — US Open 2026 мусобақасининг 1/64 финалида сенсацион ғалабага эришди.

Раҳимова дунё теннисида катта тажрибага эга бўлган чехиялик Барбора Крейчиковани икки сетда мағлуб этди — 7:6 (7:4), 6:2.

Учрашув 1 соат 45 дақиқа давом этди. Биринчи сетда теннисчилар тенг кураш олиб боришди ва ғолиб тай-брейкда аниқланди. Унда Раҳимова 7:4 ҳисобида устун келди. Иккинчи сетда эса ўзбекистонлик теннисчи ташаббусни тўлиқ ўз қўлига олиб, 6:2 ҳисобида ғалаба қозонди.

Шу тариқа, Камилла Раҳимова US Open-2026 турнирининг 1/32 финалига йўл олди.

US Open-2026 | 1/64 финал
Камилла Раҳимова — Барбора Крейчикова 2:0
7:6 (7:4), 6:2