Misr milliy jamoasi hujumchisi Mustafo Ziko jahon chempionati 1/8 finali doirasida Argentinaga imkoniyat boy berilgach (2:3), o‘yinni boshqarib borgan Fransua Leteksiye butun bir millatning orzusini barbod qilganini ta’kidladi.
«Hakam butun bir millatning orzusini barbod qildi va u bizni nishonga olgandi, sababi biz Argentinani yutib qo‘ymasligimiz kerak edi. Endi qilganlari uchun xudo oldida o‘zi javob bersin», — dedi Ziko o‘yindan keyin.
Ma’lumot uchun, 58-daqiqada Zikoning goli VAR aralashuvidan keyin bekor qilindi, bahsning so‘nggi daqiqalarida esa bosh hakam Muhammad Salohga nisbatan fol uchun penalti belgilamadi.
Eslatib o‘tamiz, mundial 1/4 final bosqichida Argentina milliy jamoasi Shveysariya bilan ro‘baro‘ keladi.
AQSH, Kanada va Meksikada o‘tayotgan jahon chempionati 19-iyulgacha davom etadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi