Миср миллий жамоаси ҳужумчиси Мустафо Зико жаҳон чемпионати 1/8 финали доирасида Аргентинага имконият бой берилгач (2:3), ўйинни бошқариб борган Франсуа Летексие бутун бир миллатнинг орзусини барбод қилганини таъкидлади.
«Ҳакам бутун бир миллатнинг орзусини барбод қилди ва у бизни нишонга олганди, сабаби биз Аргентинани ютиб қўймаслигимиз керак эди. Энди қилганлари учун худо олдида ўзи жавоб берсин», — деди Зико ўйиндан кейин.
Маълумот учун, 58-дақиқада Зиконинг голи VAR аралашувидан кейин бекор қилинди, баҳснинг сўнгги дақиқаларида эса бош ҳакам Муҳаммад Салоҳга нисбатан фол учун пеналти белгиламади.
Эслатиб ўтамиз, мундиал 1/4 финал босқичида Аргентина миллий жамоаси Швейцария билан рўбарў келади.
АҚШ, Канада ва Мексикада ўтаётган жаҳон чемпионати 19 июлгача давом этади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади