Жаҳон чемпионатида Аргентина миллий жамоасининг мусобақа тўри осон кечаётгани ҳақидаги баҳслар фонида статистик Алексис Мартин-Тамаё (Мр. Чип) бу борадаги қизиқарли маълумотларни эълон қилди.
У ФИФА рейтинги асосида Аргентинанинг ЖЧ-2026даги рақиблари мусобақа бошланишидан олдин эгаллаган ўринларни таҳлил қилди.
Аргентинанинг рақиблари ФИФА рейтингида қуйидаги ўринларни эгаллаган эди:
Жазоир — 28-ўрин;
Австрия — 24-ўрин;
Иордания — 63-ўрин;
Кабо-Верде — 67-ўрин;
Миср — 29-ўрин;
Швейцария — 19-ўрин.
Ҳисоб-китобларга кўра, Аргентинанинг ушбу рақибларининг ФИФА рейтингидаги ўртача кўрсаткичи 38 дан сал юқорини ташкил этади. Мр. Чип таъкидлашича, бу Жаҳон чемпионатлари тарихида яримфинал йўлидаги энг паст ўртача рейтинг ҳисобланади. Яъни, статистик жиҳатдан Аргентина мундиаллар тарихидаги энг енгил тўрга эга бўлган жамоа сифатида қайд этилган.
Шунга қарамай, Лионел Скалони шогирдлари Кабо-Верде ва Мисрга қарши плей-офф баҳсларида ғалабага осонлик билан эриша олмаган.
Эслатиб ўтамиз, Аргентина Жаҳон чемпионати чоракфиналида 12 июл куни Швейцария миллий жамоасига қарши баҳс олиб боради.
