Франция миллий жамоаси бош мураббийи Диде Дешам ЖЧ-2026 чоракфиналида Марокашга қарши ўтказиладиган баҳс олдидан жамоасининг тайёргарлигига баҳо берди.
«Биз энг яхши ўйинимизни намойиш этишимиз керак, чунки қаршимизда жуда кучли жамоа турибди. Уларнинг таркибида юқори савиядаги футболчилар бор. Улар менинг футболчиларимни яхши билади, бизнинг футболчилар ҳам уларни яхши танийди. Ҳатто айримлари бир клубда тўп тепмоқда. Бизни нималар кутаётганини яхши тушунамиз.
Марокашнинг ўйин услуби Парагвайникидан фарқ қилади. Тўрт йил аввал Доҳада улар билан яримфиналда тўқнаш келгандик. Ҳар икки жамоа ҳам тўп назоратини ёқтиради ва ҳужумкор футбол намойиш этишга интилади. Бизнинг самарадорлигимиз яхши, аммо уни янада яхшилашимиз мумкин. Рақиб қанчалик кучли бўлса, самарадорлик ҳам шунчалик юқори бўлиши керак», — дея Дешамнинг сўзларини Diario Sport нашри келтирди.
Эслатиб ўтамиз, Франция ва Марокаш ўртасидаги Жаҳон чемпионати чоракфинал баҳси 9 июл куни бўлиб ўтади.
