«Фенербаҳче» «Марсел» ҳужумчиси Мейсон Гринвуд трансфери бўйича расмий таклиф билан чиқди. Бу ҳақда журналист Фабрицио Романо хабар берди.
Манбага кўра, Туркия клуби Франция жамоасига бугуннинг ўзида расмий таклиф юборган. Томонлар 40 миллион евродан ортиқ кафолатланган тўлов ҳамда бонусларни ўз ичига олган келишувни якунлаш арафасида турибди. Бонуслар билан трансфер суммаси «Марсел» талаб қилаётган қарийб 50 миллион еврога етиши мумкин.
Шунингдек, журналист Фабрис Хокинс маълумотига кўра, Гринвуднинг ўзи ҳам «Фенербаҳче»га ўтиш вариантини кўриб чиқишга тайёр эканини билдирган.
