«Фенербаҳче» ҳужумчи Мэйсон Гринвуднинг трансфери борасида «Марсель» билан келишувга эришди. Бу ҳақда Fanatik нашри хабар берди.
Манбага кўра, келишув миқдори 45 млн еврони ташкил этади, яна 5 млн евро бонуслар сифатида кўзда тутилган.
Трансфер қийматининг асосий қисми Франция клубига бўлиб-бўлиб тўланади. Натижада англиялик 23 ёшли футболчи билан йилига 11 млн евро маош билан тўрт йиллик шартнома келишиб олинган. Футболчининг шартнома имзолаш учун ҳафта охиригача Истанбулга етиб келиши кутилмоқда. Шундан сўнг у дарҳол жамоанинг Австриядаги йиғинига жўнаб кетади.
Маълумот учун, Гринвуд 2024 йилнинг ёзида «Манчестер Юнайтед»дан «Марсел»га ўтган эди. Ўтган мавсумда у барча турнирларда 45 та ўйинда майдонга тушиб, 26 та гол урди ва 11 та голли узатмани амалга оширди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади