Туркиянинг «Фенербаҳче» клуби Англиянинг «Манчестер Сити» клубининг нидерландиялик ҳимоячиси Натан Аке трансферини расман эълон қилди.
Нидерландия миллий жамоаси сафида жаҳон чемпионати-2026да иштирок этган футболчи таътили якунлангач, турк клубининг Австриядаги йиғинига бориб қўшилади.
31 ёшли Аке 2020 йилдан буён «Манчестер Сити» шарафини ҳимоя қилиб келаётган эди. Жамоа сафида у тўрт марта Англия чемпионлигини қўлга киритди.
Эслатиб ўтамиз, профессионал фаолиятининг дастлабки қисмида ёш Натан «Челси» сафида яна икки марта АПЛ ғолиблигини тантана қилган.
Маълумот учун, Нидерландия миллий жамоаси жаҳон чемпионати 1/16 финал босқичида Марокаш миллий жамоасига (1:1, пеналтилар сериясида 2:3) имкониятни бой бериб, мусобақани тарк этди.
