«Лидс» клуби Гарри Уилсон трансферини расман эълон қилди.
Уелслик футболчи «Фулҳэм»ни эркин агент мақомида тарк этиб, Йоркшир клуби билан тўрт йилга мўлжалланган шартнома имзолади.
Уилсон ўтган мавсум «Фулҳэм»нинг энг ёрқин футболчиларидан бири бўлди. У Англия Премер-лигасида 36 та баҳсда майдонга тушиб, 10 та гол урди ва 7 та голли узатмага муаллифлик қилди. Футболчи Лондон клуби сафида жами беш йил тўп тепди.
Эслатиб ўтамиз, Гарри Уилсон 2015–2021 йиллар оралиғида «Ливерпул»га тегишли бўлган. Бироқ у асосий жамоа сафида расмий баҳсларда майдонга тушмаган ва бу давр мобайнида беш марта ижара асосида бошқа клубларда ўйнаган.
Ўтган мавсум якунларига кўра, «Фулҳэм» Англия Премер-лигасини 52 очко билан 11-ўринда, «Лидс» эса 47 очко жамғариб 14-поғонада якунлаган.
