«Вест Ҳэм» ҳужумчиси Крисенсио Саммервилл фаолиятини Англия Премер-лигасининг бошқа клубида давом эттириши мумкин.
Тhe Guardian хабарига кўра, футболчига «Челси» ва «Манчестер Юнайтед» анчадан буён қизиқиш билдириб келмоқда. Эндиликда ушбу клублар сафига «Фулҳэм» ҳам қўшилди.
Манба маълумотига кўра, «Вест Ҳэм»нинг Чемпионшипга тушиб кетгани сабаб Саммервилл ёзги трансфер ойнасида жамоани тарк этиши кутилмоқда.
Эслатиб ўтамиз, 2025/26 йилги мавсумда Крисенсио Саммервилл барча мусобақаларда 34 та учрашувда майдонга тушиб, 7 та гол урди ва 5 та голли узатмага муаллифлик қилди.
Маълумот учун, футболчининг «Вест Ҳэм» билан амалдаги шартномаси 2029 йилнинг ёзига қадар амал қилади. Тransfermarkt портали унинг трансфер қийматини 35 миллион еврога баҳоламоқда.
