Мадриднинг «Реал» клуби яримҳимоячиси Эдуардо Камавинга Европанинг топ-клублари эътиборида қолмоқда.
Журналист Серхио Валентиннинг хабар беришича, «Челси» франциялик футболчини трансфер қилиш бўйича «Реал»га расмий таклиф юборган.
Манбага кўра, Мадрид клуби лондонликларнинг таклифини қабул қилган. Бироқ Камавинганинг ўзи ушбу трансферга рад жавобини берган. Футболчи бу ёзда «Реал»ни тарк этишни истамаяпти.
Эслатиб ўтамиз, Эдуардо Камавинга 2021 йилда «Ренн»дан 31 миллион евро эвазига «Реал» сафига келиб қўшилган.
24 ёшли яримҳимоячи 2025/26 йилги мавсумда барча мусобақаларда 43 та баҳсда майдонга тушиб, 2 та гол ва 1 та голли узатмага муаллифлик қилган. Унинг «Реал» билан амалдаги шартномаси 2029 йилнинг 30 июнига қадар амал қилади.
