Аргентина миллий жамоаси ҳужумчиси Лионел Месси ЖЧ-2026 плей-офф босқичида жарима зарбаларидан ҳали ҳисобини очгани йўқ.
1/16 финалда Кабо-Вердега қарши баҳсда (3:2, қўшимча бўлимларда) 39 ёшли футболчи тўрт марта жарима зарбасини амалга оширди. Уларнинг учтасини Кабо-Верде дарвозабони Возиня қайтарган бўлса, яна бир зарба ҳимоячилар деворига теккан.
Мисрга қарши 1/8 финал баҳсида (3:2) эса Месси яна бир бор жарима зарбасини ижро этди. Учрашувнинг 31-дақиқасида йўлланган зарба дарвоза устунига тегиб қайтди.
Қайд этиш жоиз, Месси ушбу Жаҳон чемпионатида жарима зарбасидан битта гол уришга муваффақ бўлган. У гуруҳ босқичининг 3-турида Иорданияга қарши баҳсда (3:1) тўғридан-тўғри жарима зарбасини голга айлантирганди.
