Туриннинг «Ювентус» клуби сафида тўп тепаётган вингер Кенан Йилдиз Англия Премер-лигасининг топ-клубларидан бирига кўчиб ўтиши мумкин. Бу ҳақда Teamtalk хабар берди.
Лондоннинг «Арсенал» клуби туркиялик юлдуз билан шартнома имзолашни ният қилган. «Тўпчилар» трансферни якунлаш учун энг яхши ҳолатда. Йилдизнинг трансфери Англия чемпионига 150 миллион еврога тушиши мумкин, бу эса клуб учун рекорд шартномага айланади.
Айни дамда «Арсенал»нинг рекорд трансфери бошқа бир яримҳимоячи Деклан Райс ҳисобланади. Англия миллий жамоаси аъзосининг трансфери Лондоннинг топ-клубига тахминан 122 миллион еврога тушган.
Эслатиб ўтамиз, «Арсенал» АПЛ янги мавсуми 8-туридан кейин 21 очко билан жадвалнинг иккинчи поғонасини эгаллаб турибди.
